Члены и партнёры ассоциации обсудили актуальные вопросы дошкольного образования в рамках совместного мероприятия.
Халықаралық Балаларды қорғау күні қарсаңында «BilimInvest» білім беру саласындағы инвесторлардың ұлттық қауымдастығының өкілдері мекемеге арнайы барып, бүлдіршіндер мен жазасын өтеуші аналардың тұрмыс-жағдайымен танысты. Мекеме ережесі бойынша мұнда туған балалар 3-4 жасқа дейін аналарының жанында болады. Тексеру және танысу барысында мекемедегі кітапхана қорын заманауи және қазақ тіліндегі әдебиеттермен толықтыру, қолөнер мен тігін цехтарын жандандыру, сондай-ақ балалардың дамуына ықпал ететін әлеуметтік-психологиялық қолдау көрсету қажеттілігі анықталды. Осыған байланысты қауымдастық өкілдері «Жауғаштыдағы жазықсыз бала» атты қайырымдылық акциясын бастады. Бастаманың басты мақсаты – жабық мекемедегі балаларға қамқорлық көрсетіп, олардың толыққанды дамуына жағдай жасау және әлеуметтік кәсіпкерлік аясында қоғам назарын осы мәселеге аудару. Ұйымдастырушылар барлық бейжай қарамайтын азаматтарды, қоғамдық ұйымдарды және кәсіпкерлерді бұл қайырымдылық бастамаға белсене қатысуға шақырады
